رياح التغير

رياح التغير

منذ زمن بعيد و فى وسط اللهيب و النسمات الحارقة و الازمات و الاهات و الاوجاع المزمنة .

منذ ان اصبح الانسان عبدا مغلالا بالقيود , سجينا خلف قضبان العبودية ذليلا , رخيصا , مهانا , مقادا , مبعدا , و انا اشعر بها بين الحين و الاخر بنسمات , نسمات خفيفة تلفح وجهى و تداعب شعرى و تلفنى من كل اتجاه فاسبح بها و ادور و احلق و اسبح بين ثنيتها .

و فجأة تختفى !!!

و افيق على نسمات اللهيب تجلدنى من كل اتجاه و انا قد فقدت كل مؤاشرات الحياة و اصبحت مهلهلة , مستسلمة , اجلد , و اهان , اضرب , و اباع .

و اظن انه لا يبالى لامرى اى انسان .

فجأة !!!!

كل هذه النسمات الرحيمة المتباعدة التى كانت تزورنى بين الحين و الاخر تتجمع فى الافق

تتجمع و تتجمع و يقوى ريحها و يقوى صوتها و تتجمع  و تشتد .

يا للمشهد العجيب !!

فجأة السماء تغيرت و الارض تبدلت و الاماكن غير الاماكن و الهواء غير الهواء كل شيئ تبدل و غمرت نسمات الرحمة و الحرية كل شيئ .

و من كان مهان , مقاد , مباع استفاق و بدا ينهض و يجمع شتات نفسه و يقف على قدمية منتصب القامة عالى الرأس يتنسم نسيم الحرية لاول مرة فى حياته من سنين .

يا لروعة هذه النظرة التى تملاء عينى , نظرة قوية , مصره , حانيه , يملائها الامل و التفاؤل و الرغبة فى الحياة .

لقد استعاد المارد الدفين قوتة , و عاد مرة اخرى للحياه .

عبير حسنين

عفوا ايها الرجال

عفوا ايها الرجال

من قديم الزمان و نحن الفتيات نسمع الحكايات و الاساطير عن الفارس المغوار اللى ها يخطف الاميرة على الحصان و حقق لها كل الاحلام .

و فى المساء دائما ما كانت تنتهى الحكايات بأن الامير الهمام هزم الاشرار و تزوج الاميرة و عاشوا فى تبات و نبات و خلفوا صبيان و بنات .

و عندما كبرنا تربينا على الاسطورة

( سى السيد )

رمز الكمال و الرجولة و كل واحدة فينا كان نفسها فى سى السيد .

و بعدين بعد الثورة و الاستقلال ظهر

( الجنتلمان )

الجان اللى يفهم فى الاتيكيت و كيف يعامل و يحترم المراة و يقف لها احتراما و يقبل يديها و يقول لها اتفضلى يا هانم .

و بعدين جى عصر الانفتاح الاقتصادى ظهر رجل الاعمال اللى بيشتغل ( اعمال حرة ) او استيراد و تصدير و كان يحقق للهانم كل الاحلام .

و بعدين ظهرت الازمات الاقتصادية واحدة بعد واحدة و ابتدى ( الفارس المغوار و الامير الهمام و سى السيد و الجنتلمان و كمان رجل الاعمال ) ينحدر بيهم الحال و كل واحد منهم بقى بيشتغل شغلة و اتنين و ساعات تلات شغلانات و بقى الغلبان لا هو مغوار و لا همام و لا حتى جنتلمان بقى الغلبان كل همة اكل و لبس و هدوم العيال .

و يا سلام لو قدر ينام ساعتين كمان يبقى الحال اخر تمام .

لكن فى حد نسناه عارفين مين ؟

الاميرة او الست امينه او الهانم .

دى بقى مصيبتها كبيرة !!

ياعينى كان نايمة فى العسل نوم و متكله على ابو الرجال الفارس المغوار , و صحيت فجأه لقت جمبها راجل لا حول له و لا قوة ماشى يخبط فى رجلية يا بيفكر فى لقمة العيش او المدارس او المدير اللى منكد علية او حماته او الجو الزفت او السياسة او او او .

و لو سالته بتحبنى يقول لها : ما تتهدى يا ولية .

و هنا عرفت انها لازم تقلع جمالها و انوثتها و تتخلى عن رقتها و حنيتها و تسيبهم فى الدولاب و تلبس كعب واطى و بنطلون او حتى عباية اى لون و تنزل . تنزل !! تنزل فين يا ولاد ؟

تنزل تتنيل تشتغل تجرى فى الشارع وراء الاتوبيس و تقف فى طابور العيش و ترجع بسرعة تطبخ و تغسل و تكوى و تذاكر للعيال علشان لقمة العيش و فى اخر النهار تبص فى المراية تلاقى حد تانى توحشها رقتها و انوثتها و حنيتها تجرى تدور عليهم فى الدولاب لكن الظاهر ان العته اكلتهم تقول لنفسها يلا حصل خير و تدخل تترمى على السرير زى الشوال و اول ما تبتدى تنام تسمع صوت بنتها بتقرا حكاية لاختها و بتقول لها و الامير خطف الاميرة على الحصان و حق لها كل الاحلام و هنا  تضحك المسكينة و تضحك و تضحك لحد ما تنام .

و توته توته خلصت الحدوته

بس ما عرفناش يا ترى مين فيهم الغلبان .

عبير حسنين

امراة لها الحق فى الحياة

امراة لها الحق فى الحياة

لاتزال المسكينة تجاهد و تناضل

 تحارب من اجل ان تجد لنفسها مكان

من اجل ان تجد انسانيتها

من اجل ان تتنفس الحرية

من اجل ان يكون لها كيان

من اجل ان تعيش ( كانسان ) له هو ايضا الحق فى الحياة و الاهم :

(  الحق فى الاختيار  )

و لا تساق , و لا تكون تابع لانسان

( بل شريك له )

تحاول و تحاول و تحاول و لكنها لا تجد حتى اللحظات التى تتوقف فيها لتلتقط انفاسها

انها مكبلة , محمله بالاعباء و المسئوليات

و لا يسمح لها باى تهاون او تقصير

يجب ان تسمع , تطيع , تخضع , تستسلم

والا ............................

و الا ...........................

انه التهديد الدائم

انها الكلمة المهلكة المميته

و الا........................

و الا تحرم من كل شيئ !!!!

تطرد , تلفظ , تجرم .

تجرد من انسانيتها من اعز ما تملك من شرفها و عفتها من كرامتها و كبريائها

و يطلق عليها صفات عجيبة , متحررة , متمردة , مخالفة للعرف و التقاليد , شاذة

شاذة : اليست هى الاخرى لها حق الحياه اليست هى التى تولد منها الحياه  , اليست هى التى توهب الحب و الحنان  , اليست هى التى تربى و تعلم  , اليست هى التى تتحمل كل اعباء الحياه و مع ذلك ليس لها الحق فى الحياة .

ليس لها الحق ان تكون كيان كامل بل يجب ان تكون تابع دائما تابع .

لماذا تابع و ليس شريك ؟

لماذا تابع للاب و ليست صديقة له لها الحق فى الكلام و النقاش و حرية الاختيار ؟

لماذا تابع للزوج و ليست شريك له لها الحق فى ابداء الراى و النقاش و الاختيار ؟

اليست حياتها هى الاخرى ؟

ام انها خلقت لتكون تابع , مساعد , خادم للجميع ؟

ان الله سبحانه و تعالى فى جميع الاديان السماويه خلق المراة و جعلها رمز الحب و الدفء و الحنان .

خلق حواء لتكون رفيق ( ليست تابع ) لادم لتؤنس وحدته و لم يخلقها تابع له او خادمتة .

ان فاقد الشيئ لا يعطيه , و فاقد الحب و الحنان و الاحترام لا يعطيه .

عندما تفقد المراه شعورها بادميتها و احترامها لنفسها و ثقتها بنفسها و تهمل و تعامل بتجاهل و يقابل حبها و عطائها و تفانيها فى اسعاد من حولها على انه ضعف او واجب او انه ( حق مكتسب ) و انها يجب ان تعطى و تعطى و تعطى على طول الزمان

من يعتقد هذا ( غلطان ) لان مافيش ضمان

الانسان يتغير و انا لست من كانت انا من 10 سنوات اننى اتغير و احتاجى يتغير و تكوينى النفسى و الجسمانى يتغير لذلك يجب ان اعامل على اساس التغير يجب ان اشعر بادميتى بحريتى بقدرتى على الاختيار .

اننى انا ,

 اننى كيان ,

 اننى انسان بشر ,

 و هبنى الله الحياه الحرية

القدرة على الاختيار

القدرة على القرار

و لمن نسى اننى ايضا املك ( عقل ) و املك قلب و استطيع الاختيار

و الاهم اننى استطيع ان اتوقف و ان اقول لالالالالالالالالالالالالالا

لن اساق بعد اليوم

لن افقد انسانيتى و ادميتى

اننى كيان و لى الحق فى الحياه و فى الاستمتاع بانسانيتى و ادميتى و فى الاستمتاع بهذه الهبة العظيمة التى وهبنى ايها الله لمرة واحدة فقط و لن تتكرر انها ( هبة الحياه ) .

عبير حسنين